HATAW! D'yaryo ng Bayan hatawtabloid.com
DAHIL sa paglabag sa Republic Act 539 ng Civil Code sa ilalim ng ‘Private Property’ inireklamo ng isang residente ang chief city engineer at kanyang assistant city engineer sa Ombudsman.
Napilitan sina Mario Bunyi, ng 125 Wawa St., Alabang, Muntinlupa City na ireklamo sa Ombudsman sina Engr. Rosabela Bantog, Chief City Engineer at Mr. Christian Chan, Assistant of the City Engineer ng Las Piñas City dahil umano sa panggigipit sa isang residente na nag-a-apply ng fencing permit.
Sa complaint-affidavit na isinumite ni Bunyi, tumatayong attorney-in-fact ni Santiago Reyes, ang may-ari ng 6,000 square meter lote sa BF Martinville, Manuyo Dos, Las Piñas City, hiniling nila sa Office of the City Engineer Building Official, na isyuhan ng permiso para simulan ang pagpapabakod pero umabot na nang Agosto 28, wala pa rin aksyon sina Bantog at Chan.
Kompleto ang requirements pero hindi pa rin sila naglabas ng permit kaya hindi masimulan ang pagpapabakod.
Nang magtungo si Bunyi sa City Engineer’s Office ng Las Piñas, sinabi ni Chan na mag-iisyu lamang sila ng temporary fencing permit kung hindi kasama ang bakanteng lote na nasa harap ng Tonquioa St., sa BF Martinville, Manuyo Dos (dating Barrio of Tungtong).
Dahil sa patuloy na panggigipit sa kanila nina Chan at Bantog, nagpasya ang kampo ni Bunyi na maghain na ng reklamo sa Ombudsman.
By the way Las Piñas Mayor Vergel “Nene” Aguilar, totoo ba ang tsismis na may sakit na kayo at naka-wheelchair kung pumasok sa city hall kaya umano malayang nakagagawa ng pang-aabuso ang mga tao ninyo d’yan sa City Hall?
Nagtatanong lang po!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
