HATAW! D'yaryo ng Bayan hatawtabloid.com
KAHIT nasa harap na ng bahay, hindi pa rin nakaligtas ang isang reporter mula sa anim na snatcher nang agawan ng iPhone 5 at saksakin ng anim bagets na snacthers sa Pasay City.
Bagama’t hindi na narekober ang iPhone 5, na nagkakahalaga ng P43,000, nagpapagaling na sa San Juan de Dios Hospital sa saksak sa hita at braso ang biktimang si Ferdinand “Bong” Patinio, 43, reporter ng Philippine News Agency (PNA), ng 619 EDSA, Pasay City.
Sa ulat ni PO3 Melvin Garcia, ng Station Investigation Detective Management Section (IDMS), dakong 11:00 a.m. nang maganap ang insidente sa panulukan ng EDSA at Cabrera St.
Nakatayo sa gate ng kanilang bahay ang biktima habang hinihintay ang kanyang mga kaibigan nang mapansin na papalapit sa kanya ang grupo ng kabataan na may edad 14 hanggang 16-anyos.
Paglapit, bumunot ng patalim ang isa sa grupo, sabay tutok sa kanya saka inianunsiyo ang holdap.
Mabilis na isinara ni Patinio ang gate pero isinalya ng suspek saka sinaksak ng dalawang beses sa braso at hita pagkatapos ay tinangay ang kanyang iPhone 5.
(JAJA GARCIA)
