INATASAN ni Pangulong Benigno “Noynoy” Aquino III ang Department of Agriculture (DA) na tiyaking magiging sapat ang supply ng pangunahing mga bilihin sa panahon ng kapaskuhan.
Sinabi ni Agriculture Sec. Proceso Alcala, partikular dito ang karne ng manok, baboy at gulay na karaniwang nagkakaroon ng abnormal na kakapusan ng supply.
Ayon kay Alcala, ito rin ang idinadahilan ng mga nagbebenta sa kanilang pagtataas sa presyo ng naturang agricultural products.
Samantala, kinontra ni Alcala ang pahiwatig ng mga nagbebenta ng bigas na nakaamba ang pagtataas sa presyo ng bigas sa Oktubre.
Inihayag ni Alcala, wala dapat mangyaring paggalaw sa presyo ng bigas dahil ang Oktubre ay panahon ng anihan.
(ROSE NOVENARIO)