HATAW! D'yaryo ng Bayan hatawtabloid.com
NAPATUNAYANG guilty sa kasong kidnapping ng Pasig Regional Trial Court ang former character actor at dating Quezon City congressman na si Dennis Roldan o Mitchell Gumabao sa tunay na buhay.
Ang kasong kidnapping laban kay Roldan, 53-anyos, ay kaugnay sa 3-anyos batang Fil-Chinese na dinukot noong 2005.
Sa desisyon ni Presiding Judge Rolando Mislang, guilty sa naturang pagdukot si Roldan gayon din ang mga kapwa akusado na sina Rowena San Andres at Adrian Domingo.
Naabswelto sa kaso ang isa pang co-accused na si Octavio Garces.
Bunsod nito, ang mga akusado ay hinatulan ng reclusion perpetua o habambuhay na pagkakabilanggo.
Si Roldan, dati ring basketball player, ay ama ng young actor na si Marco Gumabao at ng kilalang volleyball player na si Michelle Gumabao.
Kapatid niya ang beteranang aktres na si Isabel Rivas.
Bago ang naging hatol sa kanya, ilang taon din nakalaya ang aktor makaraan makapagpiyansa ng P500,000 noong 2006.
Si Roldan ay isa na ngayong Christian minister. (ED MORENO/
MIKKO BAYLON)
