5 miyembro ng gunrunning, drug syndicate timbog sa checkpoint

LIMA katao ang dinakip ng pulisya matapos mahulihan ng baril at shabu habang sakay ng tricycle sa Malabon City kahapon ng mada-ling-araw.

Kinilala ang mga suspek na sina Jame Patrick Ermac, 22; Rodel Cruz, 33; Anthony Sarmiento, 22; Gloreto Flor, 24, pawang residente ng Block 93, Lot 7, Phase 2, Area 2, North Bay Boulevard South (NBBS), Navotas City at Johnxander Bautista,20, ng Hasa-Hasa, Brgy. Longos, Malabon.

Sa ulat ni SPO1 Edsel Dela Paz, dakong 2:30 a.m. nang masakote ang mga suspek sa isang checkpoint sa kanto ng McArthur Highway at Pinagtipunan Circle , Brgy. Potrero.

Ayon sa pulisya, nagsasagawa sila ng Oplan Sita nang dumating ang isang Rusi tricycle na may plakang 1114- NU sakay ang mga suspek.

Imbes huminto sa checkpoint ay humarurot ng takbo ang tricycle kaya nagkaroon ng habolan.

Nakuha ng mga awtoridad ang mga baril, shabu at patalim mula sa mga suspek na nakapiit na sa dentetion cell ng Malabon City Police.

Kasong RA 10591 (Comprehensive Law on Firearms and Ammunitions), Violation of Dangerous Drugs Act at Concealing of Deadly Wea-pon ang isasampa laban sa mga suspek.

(ROMMEL SALES)