HATAW! D'yaryo ng Bayan hatawtabloid.com
SIMULA sa Hunyo 9 ay maririnig na sa FM radio ang PBA Governors Cup sa pamamagitan ng Radyo Singko 92.3 News FM na kapatid na himpilan ng radyo ng TV5 na brodkaster ng mga laro.
Ito’y kinompirma kahapon ng pinuno ng Sports5 na si Gilas Pilipinas coach Chot Reyes.
“This is great news for PBA die-hard fans. They can listen to the LIVE broadcast of the games clearly on the radio. And you can use your cellphone to listen to the games. Overseas Filipinos can also listen to the broadcast via InterAksyon.com,” wika ni Reyes.
Ang unang larong maririnig sa Radyo Singko ay ang laban ng Air21 at San Mig Coffee sa Hunyo 9.
Maririnig din nang live sa DZSR Sports Radio 918 khz sa AM ng Philippine Broadcasting Service sa tulong ng Sports5 ang mga laro ng PBA kasama ang ilang mga himpilan ng Radyo ng Bayan sa buong kapuluan. (James Ty III)
