HATAW! D'yaryo ng Bayan hatawtabloid.com
NAIHATID na sa huling hantungan ang katotoo nating Rubie Garcia.
Ano man ang nasa likod ng pamamaslang kay katotong Rubie, umaasa tayong lalabas din ang katotohanan at mabibigyan ng hustisya ang pamamaslang sa kanya.
Marami nang nagpaaabot ng impormasyon sa inyong lingkod kahapon.
At tayo ay labis na nalulungkot tungkol sa mga naririnig natin.
Ang gusto lang natin ay makamit ni katotoong Rubie at ng kanyang mga naulila ang katarungan.
Ayaw natin maisama sa mga natabunan, ang katarungan para kay Ruby.
Sa isang info na natanggap natin, na kinakaladkad pa ang HATAW D’yaryo ng Bayan, na hindi raw natin inilabas ang balita at mga pangyayari tungkol sa pagkamatay ni katotong Rubie, ‘e hindi na po ako makikipag-argumento.
‘Yung hindi naglabas, alam ng lahat na walang katotohanan ‘yan.
Ikalawa, pakisilip lang ‘yung ibang diyaryo bago ninyo kaladkarin ang HATAW sa mga isyung walang katotohanan.
Hindi po tayo mahilig mag-grandstanding at mag-exploit.
Hindi ko po kailangan punuin ng istorya o retrato ang aming pahayagan para lang sabihin o ipakita na taos ang ating pakikiramay kay Rubie at sa kanyang pamilya.
Ang pakikiramay ko po sa ating katotong Rubie ay nasa aking PUSO.
At alam kong ALAM ni RUBIE ‘yan, saan man siya naroroon ngayon.
Anyway, Rubie, saan ka man naroroon, umaasa ako na ‘tutulong ka’ para maigawad ang katarungan para sa iyo at sa iyong pamilya.
So long Rubie, so long … hanggang sa muli.
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
