HATAW! D'yaryo ng Bayan hatawtabloid.com
RIZAL – Kapwa patay ang dalawang lasing na lalaki makaraan mag-duelo sa patalim nang magkapikonan dahil sa masamang tingin kamakalawa ng gabi sa Antipolo City.
Kinilala ni Antipolo City Police chief, Supt. Arthur Masungsong ang dalawa na sina Aian Camince, 26, security guard, at Joebert Valenzona, 29, kapwa residente ng Sitio Kamias 2, Brgy. Mambugan,
Ayon sa pulisya, naganap ang insidente dakong 7:30 p.m. sa nasabing lugar habang nakikipag-inoman si Valenzona sa kanyang mga kaibigan.
Ngunit tiyempong napadaan si Camince na lasing na rin at sila ay nagkatitingan na humantong sa kanilang mainitang pagtatalo.
Pagkaraan ay kapwa nagbunot ng patalim ang dalawa at nagsaksakan. Makaraan ang ilang minuto, kapwa duguang bumagsak ang dalawa.
Isinugod ang dalawa sa pagamutn ngunit parehong binawian ng buhay habang nilalapatan ng lunas.
(MIKKO BAYLON)
