No winner sa P132-M ng Grand Lotto

BIGONG mapanalunan ng libo-libong lotto bettors ang jackpot prize ng 6/55 Grand Lotto ng Philippine Charity Sweepstakes Office (PCSO).

Ayon sa PCSO, ang six lucky number combinations ay binubuo ng 08-29-17-51-26-32 na ang premyo ay umaabot sa P132,512,236.00.

Wala rin nanalo sa premyo ng 6/45 Megalotto na nagkakahalaga ng P15,476,736.00.

Noong Pebrero 28, isa ang bagong milyonaryo nang mapanalunan ang jackpot ng 6/49 Super Lotto.

Nasungkit ng nag-iisang lotto bettor ang mahigit P89 million jackpot ng Super Lotto na ang maswerteng kombinasyon ay binubuo ng 30-44-45-07-39-48 na ang premyo ay nasa P89,065,812.00.