Mag-asawa, utol tiklo sa droga

CAGAYAN DE ORO CITY- Inihanda na ng PDEA Region 10 operatives ang isasampang kaukulang kaso laban sa tatlong sinasabing notoryus drug pushers na kanilang naaresto sa Brgy. San Alonzo, Balingoan, Misamis Oriental.

Kinilala ang mag-asawang suspek na sina Alfonso at Lourdes Abanil, at isa pang Maria Cristina Hanapag, pawang residente sa nasabing bayan.

Inihayag ni PDEA Deputy Regional Director Rayford Yap, kanilang naaresto ang mga suspek sa inilunsad na drug buy bust operation kasama ang mga tauhan ng Balingoan Police Station.

Nakuha mula pag-iingat ng mga suspek ang 15 gramo ng shabu na mayroong estimated market value na P120,000, at drug paraphernalia.

Sinabi ni Yap, ang mag-asawang Abanil ang nagsilbing pangunahing drug source ng nasabing bayan at maging sa iba pang karatig na lugar nitong lalawigan.

(BETH JULIAN)