Isang mini bus ang nahulog sa Skyway southbound, dakong 5:17 Linggo ng madaling araw.
Sa panayam kay Gen. Louie Maralit, hepe ng Skyway Management and Security Division, nahulog ang mini bus galing sa elevated portion ng Skyway sa tapat ng Sun Valley, Bicutan.
Ang minibus ay ang shuttle bus gamit ng Skyway na panghatid sa mga empleyado at teller ng skyway.
Kinilala ang drayber nang nahulog na minibus na si Alan Nopal, 34-anyos.
Nasira ang railings sa Skyway na tinatayang nasa 10 hanggang 15 talampakan ang taas ng kinabagsakan ng bus.
Sinasabing bago mahulog, binangga muna ito ng isang Toyota Fortuner (UXQ 851) dahilan para mawalan ng kontrol ang minibus na naging dahilan kung kaya nahulog ito.
Wasak na wasak ang harapan ng itim na SUV, may walong sakay galing Baguio City at pauwi na sa Laguna nang maganap ang aksidente.
Isang Camille Capile, 21-anyos, sakay ng Fortuner, ang nagkasugat sa ulo habang may mga pasa ang iba pa at wala pang ibinigay na detalye ang mga biktima.
Agad isinugod sa Taguig-Pateros District Hospital ngayon ang drayber ng bus na nagkaroon ng minor injuries.’