HATAW! D'yaryo ng Bayan hatawtabloid.com
PAGKATAPOS masugatan ang 23 katao sa ginanap na PYROTECHNICS DISPLAY sa SM Mall of Asia (MOA) nitong pagsalubong sa Bagong Taon, tiyak na marami na ang matatakot na manood nito sa mga susunod na taon.
Pero ang tanong, sino ba ang dapat managot sa pangyayaring ‘yan na ni hindi natiyak ang kaligtasan ng mga manonood.
Taon-taon ay ginagawa nila ‘yan pero hindi man lang ba nila pinaglaanan ng panahon para isipin kung paano matitiyak ang kaligtasan ng mga tao?!
Mantakin ninyong nakapamahal ng extra charge sa mga restaurant na malapit d’yan sa pagdarausan ng pyrotechnics display pagkatapos hindi nila maigarantiya ang kaligtasan ng mga manonood?!
SM MOA, sandamakmak ang kinikita ninyo d’yan sa mga activity na ‘yan, pwede bang ayusin ninyo?!
Kung kinakailangang mag-test kayo at magsindi ng mga nasabing pyrotechnincs aba ‘e gawin ninyo!
Uulitin ko po, hindi lang kita ang dapat ninyong tiyakin, mas higit ang kaligtasan ng inyong mga KLIYENTE o CUSTOMERS.
Sana naman ay laging nasa isip ninyo ‘yan.
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
