Friday , September 21 2018
Breaking News
You are here: Home / News / 2 holdaper utas sa Pampanga

2 holdaper utas sa Pampanga

PAMPANGA – Dalawang holdaper ang namatay makaraang makipagpalitan ng putok ng baril sa mga awtoridad habang nakatakas naman ang lima pang kasamahan sa City of San Fernando kahapon ng madaling araw .

Ayon sa ulat ng pulisya, dakong 4:40 a.m. lulan ang biktimang si Cora Sason, vegetable dealer, residente ng Sta. Rita ng nasabing  bayan, ng Isuzu elf na minamaneho ng kanyang dri-ver na si Raymond de Jesus kasama ang helper na si alyas Socsoc, nang paputukan sila ng mga suspek na sakay ng dalawang motorsiklo at isang owner type jeep, at pagkaraan ay nagdeklara ng holdap.

Tiyempo naman parating ang nagpapatrolyang mga awtoridad kaya’t tumakas ang mga suspek dala ang hindi pa mabatid na halaga ng perang koleksyon ni Sason.

Humabol ang mga pulis ngunit pinaputukan sila ng mga suspek kaya gumanti ng putok ang mga awtoridad na nagresulta sa pagkamatay ng dalawang hindi pa nakikilalang mga salarin.

Habang tuluyan nang nakatakas ang lima pang mga suspek.             (RAUL SUSCANO/

LEONY AREVALO)

COMMENTS

About hataw tabloid

Scroll To Top
 

Copyright hatawtabloid.com | All Rights Reserved