Friday , September 21 2018
Breaking News
You are here: Home / Showbiz / Bukas Na Lang Kita Mamahalin, mapapanood na ngayon gabi!

Bukas Na Lang Kita Mamahalin, mapapanood na ngayon gabi!

MATAGUMPAY ang isinagawang Celebrity Screening sa SM Megamall ng pinakabagong aabangan na namang teleserye sa Primetime Bida ng ABS-CBN2, angBukas Na Lang Kita Mamahalin na mapapanood na simula ngayong gabi.

Dinagsa ng mga tagahanga, kaibigan, at kapamilya nina Gerald Anderson, Dawn Zulueta, Dina Bonnevie, Rayver Cruz, Diana Zubiri, Tonton Gutierrez, Cristine Reyes at iba pa ang naturang celebrity screening. Naroon din ang mga director nitong sina Jerome Pobocan at Trina Dayrit gayundin ang bumubuo ng Dreamscape Entertainment sa pamumuno ni Deo Endrinal.

Isa kami sa nabigyang pagkakataon na mapanood ang unang isang buong linggo ngBukas Na Lang Kita Mamahalin at talaga namang humanga kami sa isa na namang tatangkilikin ng publikong teleserye. Mula sa mga artistang nagsisiganap hanggang sa bumuo at nag-conceptualize nito—nasabi naming magaling talaga silang gumawa ng ganitong klase ng panoorin.

Sa mga tagpo nina Gerald, Cristine, at Rayver talaga namang aabangan mo ang magaganap gayundin ang paghaharap/sagutan nina Dawn at Dina.

Ayaw na naming idetalye ang pangyayari na mapapanood sa isang lingo dahil mas nais naming kayo mismo ang humusga kung paano nailatag ng maayos ng Kapamilya Network ang teleseryeng magpapaantig na naman ng ating mga damdamin.

Ang nakatitiyak lang, maraming ina ang makare-relate sa palabas na ito lalo’t ang usapin ay hanggang saan makaaabot ang pagmamahal sa ating mga anak.

Kaya tutok na ngayong gabi sa Bukas Na Lang Kita Mamahalin sa ABS-CBN.

Maricris Valdez Nicasio

COMMENTS

About hataw tabloid

Scroll To Top
 

Copyright hatawtabloid.com | All Rights Reserved