PARA sa kaalaman ng mga bibisita sa Muntinlupa at sa mga residente ng lungsod, nagsimula na ang implementasyon ng smoking ban.
Ipinatutupad na ng Muntinlupa City ang Ordinance 17-072, nagbabawal sa paninigarilyo ng tobacco products at electronic nicotine delivery system katulad ng e-cigarette (vapes) o e-shi-sha, sa pampublikong mga lugar.
Arestado ang 16 katao sa Alabang area sa ipinatupad na Oplan Sita ng Muntinlupa Smoke Free Task Force (SFTF), sa pangunguna ng Muntinlupa City Police Station (MCPS), nitong 12 Oktubre 2017.
Sinabi ni MCPS Col. Marites Salvadora, ang first time offenders ay pagbabayarin ng P500 o dalawang oras na community service at maaaring maharap sa multa na hanggang P2,500 o walong oras na community service, at hanggang P5,000 o 14 oras na community service sa paglabag sa sales restriction and advertising ban.
Binalaan ni Salvadora ang mga lalabag na bayaran ang multa sa loob ng “five working days” o tatanggap ng karagdagang multa.
Sinabi ni Muntinlupa Public Information Officer Tez Navarro, ang operasyon ay simula pa lamang ng serye ng mga sorpresang inspeksiyon sa lungsod.
Ipinunto niyang ang deputized officers ay mag-iikot sa lungsod lalo sa business parks at transportations terminal upang manghuli ng mga lalabag sa ordinansa, mga residente man o bisita, na maninigarilyo sa pampublikong lugar o sa mga erya sa labas ng Designated Smoking Areas.
Hinikayat ni Mayor Jaime Fresnedi ang publiko na itigil na ang paninigarilyo at sinabing ipinasa ng city government ang local ordinance upang protektahan ang pampublikong kalusugan at upang matiyak ang kagalingan ng mga lokal mula sa masamang epekto ng paninigarilyo.
Para maisumbong ang mga indibidwal na maninigarilyo sa pampublikong mga lugar, maaaring komontak sa City Health Office sa 935-6824 o magpadala ng mensahe sa fb.com/officialmuntinlupacity.
(MANNY ALCALA)
Check Also
Nanay naghanap ng kahoy para panggatong
2 PASLIT NA MAG-UTOL NAABO SA SUMABOG NA TANGKE NG LPG
SILANG, CAVITE — Masusing iniimbestigahan ang pagkamatay sa sunog ng magkapatid na paslit base sa …
Mga Cayetano, nagpaabot ng tulong
1,650 BENEPISARYO, 50 TESDA SCHOLARS PARA SA ORIENTAL MINDORO
UMABOT sa 1,650 benepisaryo mula sa iba’t ibang sektor at distrito sa Oriental Mindoro ang …
Cayetano nanguna sa pasinaya
STATE-OF-THE-ART MRI, CT SCAN EQUIPMENT, ATBP FACILITIES SA PCMC
PINANGUNAHAN ni Senadora Pia Cayetano ang pagbubukas ng Philippine Children’s Medical Center (PCMC) para sa …
Navoteño solo parents tumanggap ng buwanang cash subsidy
SINIMULAN ng pamahalaang lungsod ng Navotas ang pamamahagi ng buwanang cash subsidy para sa mga …
4 arestado sa pot-session sa Valenzuela
SWAK sa kulungan ang apat katao matapos mahuli sa akto ng mga pulis na sumisinghot …