Thursday , March 28 2024

Utak sa P500-M investment scam arestado

ARESTADO ang isang babaeng sinasabing utak ng isang investment scam sa entrapment operation na isinagawa ng PNP sa Better Living subdivision, Parañaque City.

Si Mary Angelaine Libanan, 25, ng 121 Citadela Drive, Citadela Executive Village, Las Piñas City ay nakapiit na sa detention cell ng Parañaque Police, habang pinaghahanap ng pulisya ang partner niyang si Mark Anthony Martirez, 24, residente rin sa naturang lugar.

Sinabi ni Parañaque City Police chief, Sr. Supt. Ariel Andrade, dumulog sa kanilang tanggapan ang 30 katao upang ireklamo ang ginawang panloloko sa kanila ng dalawa.

Sa pahayag ng mga biktima, nag-invest sila ng pera kina Libanan at Martirez noong Mayo hanggang Hulyo 31, 2015 na umabot sa halagang P500 milyon na tutubo ng 20 porsiyento kada 28-araw.

Ang inaasahang tubo ng mga naging biktima ay hindi naibigay nina Martirez at Libanan at lagi umano silang pinagtataguan ng dalawa.

Sa follow-up operation ng mga tauhan ng Parañaque Police, naaresto dakong 11 p.m. si Libanan sa Better Living Subdivision, Brgy. Don Bosco, Parañaque City habang si Martirez ay nakalalaya pa.

Ayon sa pulisya, kabilang sa nabiktima ng mga suspek ang anak ni Senador Juan Ponce Enrile.

Habang pinabulaanan kahapon nina Parañaque City Mayor Edwin Olivarez at Congressman Eric Olivarez na may kaugnayan sa kanila ang naarestong si Libanan .

Sinasabing ginagamit ng mga suspek ang kanilang pangalan sa ilegal na transaksiyon.

Sa opisyal na pahayag ni Mayor Olivarez, noong Hulyo 27, 2015, sumulat siya kay National Bureau of Investigation  (NBI) Director Atty. Virgilio Mendez, para paimbestigahan ang scam ng dalawa makaraan silang makatanggap ng reklamo na ginagamit ng dalawa ang kanilang pa-ngalan.

About Jaja Garcia

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *