HATAW! D'yaryo ng Bayan hatawtabloid.com
MARAMI-RAMI na ang acting awards na natanggap ni Therese Malvar simula nang pumasok siya sa industriya.
Ngayon ay nabigyan ng chance si Therese na magbida kasama ang isa pa ring talented young actress, si Kyline Alcantara sa bagong teleserye ng GMA, ang Inagaw Na Bituin.
Hindi puwedeng pagtaasan ng kilay ang kanyang acting talent dahil humakot siya ng karangalan noong nakaraang taon sa iba’t ibang award giving bodies.
Gayunman, kailangan pang mag-extra effort si Kyline para makapantay o ‘di makabog ni Therese sa eksenang magkasama sila.
Hindi iniisip ni Kyline na isang malaking banta sa kanya si Therese dahil magkaibigan sila at walang sapawang nangyari.
Kahit sa pagkanta man, may nagsasabi na hamak na mas maganda ang timbre ng boses ni Therese kaysa kay Kyline.
Depensa ni Kyline, walang pataasan ng boses sa kanilang dalawa, umarte sila bilang mga singer sa teleserye na hinihingi ng kani-kanilang role.
Aminado rin naman si Kyline na hanga siya sa galing ni Therese kung kaya kailangan din niyang paghusayan pa ang kanyang acting para mapantayan ang bagong kaibigan.
Pagdating naman sa kanyang bagong leading man, ang Kapuso young actor na si Manolo Pedroza, ngiti pa lang nito’y panalo na.
ni JOE CESAR
