HATAW! D'yaryo ng Bayan hatawtabloid.com
HINDI namin nabilang kung gaano karami ang ginawang pagniniig nina Derrick Monasterio at Sanya Lopez sa sex-drama-romance movie ng Regal Entertainment na Wild And Free.
Pero, ang tiyak bonggang-bongga ang mga intimate scene ng dalawa na tiyak ikaloloka ng mga manonood.
Subalit hindi lang naman ang mga intimate scene ang dapat abangan sa pelikulang ito, kundi ang istorya at ang acting din ng mga bida.
Matagumpay ang isinagawang red carpet premiere night na isinagawa sa SM Megamall. Ito’y sinuportahan ng mga Kapuso star tulad ni Jak Roberto kasama ang girlfriend na si Barbie Forteza, Jeric Gonzales, Thea Tolentino, basketball player Ricci Rivero, Mikoy Morales, David Licauco, Addy Raj at marami pang iba.
Naroon din ang iba pang members ng cast tulad nina Ash Ortega at Juancho Trivino at ang director nitong si Connie Macatuno.
Simula pa lang ng pelikula’y pasabog agad ang ipinakita nina Sanya at Derrick. Ito ‘yung pagse-sex nila sa loob ng kotse. At saan man gawin ng dalawa ang kanilang intimate scenes, palaban sila pareho at kapansin-pansing nag-eskrimahan sila ng kanilang mga dila.
Bigay na bigay nga kapwa ang dalawa na hindi mo aakalaing first time nilang ginawa ang ganoong bagay.
Bongga naman si Sanya dahil hindi lang kay Derrick siya nagpasasa, kundi maging kay Juancho’y buong puso niyang ipinagkaloob ang katawan.
Kapansin-pansing magaling umarte si Derrick sa mga tagpo nilang mag-ina na ginampanan ni Cheska Diaz.
Kung tutuusin, hindi lang naman ang mga intimate scene ang dapat abangan sa Wild and Free, istorya ito ng isang anak na nalayo sa ina kaya inakalang wala siyang halaga rito. Ukol din ito sa sibling rivalry na hanggang sa pag-ibig ay nagkatapat.
Palabas na ang Wild And Free sa mga sinehan nationwide na binigyan ng Grade B ng Cinema Evaluation Board at R-13 ng MTRCB.
SHOWBIZ KONEK
ni Maricris Valdez Nicasio
