Monday , March 25 2019
Breaking News
You are here: Home / Showbiz / Rayantha Leigh, patuloy sa paghataw ang showbiz career
Rayantha Leigh, patuloy sa paghataw ang showbiz career

Rayantha Leigh, patuloy sa paghataw ang showbiz career

SOBRA ang kaligayahan ng recording artist na si Rayantha Leigh sa mga blessings na dumarating sa kanyang showbiz career. Kung last year ay itinanghal siya bilang Star Awards for Music’s New Female Recor­ding Artist of the Year (Laging Ikaw-Ivory Music and Video, Inc.) ng PMPC, sa pagpasok ng taon ay patuloy ang magandang takbo ng kan­yang showbiz career.

Bukod sa kaliwa’t kanang shows/concerts, pati sa endorsements tulad ng Halimuyak Perfume ay humahataw din ngayon ang young singer. Si Rayantha ay na-renew din sa youth oriented TV show na Bee Happy, Go Lucky 2.0 at maraming nakaplanong proyekto para sa kanyang singing career. Ang Bee Happy, Go Lucky 2.0 ay hatid ng Social Media Artist and Celebrities (SMAC) Television Production at sa IBC 13 na ito mapapanood.

Tatlong taon na sa mundo ng showbiz si Rayantha na sa darating na Mayo ay magdiriwang ng kanyang 15th birthday. Desidido siyang lalo pang pagbutihin ang mga project na natotoka sa kanya dahil masaya siya sa kanyang ginagawa.

“Three years na po ako sa showbiz at sa birthday ko po ay 15 na ako. Masaya po ako sa takbo ng career ko dahil ngayon po ay nakikita ko na po siyang nag-i-improve, kompara rati, noong nag-uumpisa pa lang po ako,” nakangiting sambit ni Rayantha na idinagdag pang sisikapin niyang maging successful para maging proud ang kanyang parents na sina Mr. & Mrs. Ricky at Lanie.

Magkakaroon din ng concert si Rayantha sa Tokyo, Japan this year at makakasama niya rito DJ Airene.

Mapapanood siya sa pelikulang Unang Yugto bilang si Fairy Alona. Ito ay mula sa pamamahala ni Direk Moises Lapid. Tampok sina Lotlot de Leon, Martin Escudero, Kikay Mikay, at marami pang iba.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top