Monday , March 25 2019
Breaking News
You are here: Home / News / Pakistani nasakote sa karnap-sanla modus

Pakistani nasakote sa karnap-sanla modus

ARESTADO ang isang Pakistani sa mga operat­iba ng Makati City Police Station Anti-Carnapping Unit sa isinagawang entrapment operation ng pulisya matapos tangga­pin ang natitirang bayad sa isinanlang karnap na sasakyan sa lungsod, kamakalawa ng hapon.

Kasong carnapping (RA 10883) at estafa ang kakaharapin ng suspek na si Raj Kumat Dadlani Jr., y Motwani, 37, binata, naninirahan sa Teresa Street, Barangay Valen­zuela, Makati City.

Kinilala ang biktima na si Larry Daroca at Lucas Mangabat, kapwa nasa hustong gulang.

Base sa ulat ni S/Supt. Rogelio Simon, hepe ng pulisya, nagkasa ng entrapment operation ang AnCar Unit laban sa suspek sa Cash and Carry Mall, sa Makati City, dakong 5:30 ng hapon.

Sa report, nakombinsi ng complainant na si Mangabat ang dayuhang suspek na bayaran ang natitirang balanse sa isi­nanlang karnap na sasak­yan ni Darroca na sanhi ng pagkakadakip ni Dad­lani.

Batay sa kuha ng CCTV footages, isang foreign looking person ang nangarnap sa isang nakaparadang Hyundai Van H100 shuttle body sa harapan ng bahay ni Darocca sa Sampaloc St., Bgy. San Antonio, Makati City, nitong 9 Enero, bandang 10:00 ng gabi.

Nakatanggap ng impormasyon ang AnCar nitong 16 Pebrero na ang sasakyan ay isinanla ng suspek sa Batangas City.

Nagsagawa agad ang awtoridad ng follow-up operation at nadis­ku­breng nakasanla ang sasakyan kay Mangabat sa Paharang East, Bata­ngas City.

Natuklasan ni Manga­bat na kahina-hinala ang mga papeles ng sasakyan ng dayuhan kaya nagsuri siya sa may-ari nito sa pamamagitan ng Face­book at iniulat niya sa pulisya ang nasabing insidente dahilan ng isinagawang entrapment operation laban kay Dadlani.

Nakapiit ang suspek at nasa custodial facility ng Makati Police at sasa­ilalim sa inquest proceed­ings sa piskalya ng lung­sod.  (JAJA GARCIA)

 

 

About Jaja Garcia

Leave a Reply

Your email address will not be published. Required fields are marked *

*

Scroll To Top