Friday , April 26 2024
MAHIGIT P1 bilyong sangkap ng shabu, may timbang na 168 kilo at isang Honda civic na kulay green ang nakompiska sa naarestong apat na Chinese nationals kabilang ang isang babae, si Chua Kian Kok, 43; Go Kei Kei 40, Emmanuel Pascual, 79, at Li Zhao Yang 19 sa pinagsanib na puwersa ng Phillipine Drug Enforcment Agency (PDEA) at Muntinlupa Police sa isinagawang pagsalakay sa isang bahay sa Ayala Alabang Village, Apitong St., Muntinlupa City nitong Martes ng gabi. (ERIC JAYSON DREW)

P1.1-B shabu kompiskado sa buy bust sa Alabang (3 Tsinoy, lolo arestado)

TATLONG Chinese nationals kabilang ang isang 79-anyos lolo na hinihinalang sangkot sa operasyon ng Golden Triangle syndicate ang inaresto ng mga operatiba ng Philippine Drug Enforcement Agency (PDEA) sa magkasunod na buy bust operation at nakakompiska ng 168 kilo ng shabu na nagka­ka­halaga nang mahigit P1.1 bilyon sa Muntinlupa City kamakalawa.

Sa unang operasyon ng mga tauhan ni Director General Aaron Aquino, ng PDEA dakong 5:00 pm, naisagawa ang buy bust sa Deck 2 upper parking ng Alabang Town Center, Brgy. Alabang, Muntin­lupa na unang dinakip ang tatlong suspek na sina Emmanuel Pascual, 79, Wang Zhiyong, alyas Shi Rong Huang, 41, at kasamang babae na si Cai Qingxian, alyas Go Kei Kei, 44, pawang nakatira sa Binondo, Maynila.

Nakompiska sa mga suspek ang 28 packs ng transparent plastic bag na may lamang crystaline substance na hinihinalang shabu at timbang na 45 kilogram na tinatayang  P306,000,000 milyon ang halaga, 3 mobile phones, marked money at ang gamit nilang sasakyang Honda Civic (WSB-955).

Dakong 6:30 pm, naaresto ang suspek na si Li Zhaoyang, 18 binata, Chinese national sa buy bust operation ng PDEA sa Brgy. Ayala Alabang Village, Muntinlupa.

Nakompiska sa inuupahang bahay ni Zhaoyang sa No. 175 Apitong St., ang 82 packs ng transparent plastic bag na naglalaman ng crystalline substance na hinihinalang shabu at may timbang na 123 kilograms, may halagang P 836,400,000, 1 mobile phone, marked money at mga identification card.

Nabatid naging katu­wang din ng PDEA sa drug operation ang mga kagawad ng pulisya sa National Capital Region.

Habang nakapiit ang mga suspek sa PDEA-NCR office para sam­pahan ng kasong pagla­bag sa RA 9165 ng Com­prehensive Drugs Act Law.

Patuloy na nagsasa­gawa ng masusing imbes­tigasyon ang mga tauhan ng PDEA para alamin kung konektado ang apat sa mga nahuli nila sa Cavite kamakailan.

Bukod rito maging ang may-ari ng bahay na inuupahan ng mga sus­pek na ginawang imba­kan ng droga ay iimbes­tigahan din.

Makikipag-ugnayan din ang PDEA sa Bureau of Immigration (BI) para alamin kung dokumen­tado ang tatlong Chinese na nahuli mula mainland China. (MANNY ALCALA/JAJA GARCIA)

 

 

About Jaja Garcia

Check Also

042424 Hataw Frontpage

Nagprotesta laban sa PUV modernization program
MANIBELA INASUNTO NG QCPD

ni ALMAR DANGUILAN  SINAMPAHAN ng sandamakmak na kaso ng Quezon City Police District (QCPD) ang …

fire dead

Nanay naghanap ng kahoy para panggatong
2 PASLIT NA MAG-UTOL NAABO SA SUMABOG NA TANGKE NG LPG

SILANG, CAVITE — Masusing iniimbestigahan ang pagkamatay sa sunog ng magkapatid na paslit base sa …

Ejay Falcon Alan Peter Pia Cayetano ORIENTAL MINDORO

Mga Cayetano, nagpaabot ng tulong  
1,650 BENEPISARYO, 50 TESDA SCHOLARS PARA SA ORIENTAL MINDORO

UMABOT sa 1,650 benepisaryo mula sa iba’t ibang sektor at distrito sa Oriental Mindoro ang …

PCMC MRI and CT scan Pia Cayetano Bong Go

Cayetano nanguna sa pasinaya  
STATE-OF-THE-ART MRI, CT SCAN EQUIPMENT, ATBP FACILITIES SA PCMC

PINANGUNAHAN ni Senadora Pia Cayetano ang pagbubukas ng Philippine Children’s Medical Center (PCMC) para sa …

Navoteño solo parents cash subsidy

Navoteño solo parents tumanggap ng buwanang cash subsidy

SINIMULAN ng pamahalaang lungsod ng Navotas ang pamamahagi ng buwanang cash subsidy para sa mga …

Leave a Reply

Your email address will not be published. Required fields are marked *