HATAW! D'yaryo ng Bayan hatawtabloid.com
PATULOY na kumikita ang pelikulang Alone/Together ni Direk Antoinette Jadaone na tinatampukan nina Liza Soberano at Enrique Gil. Kaya naman masayang-masaya ang manager ni Liza na si Ogie Diaz.
Sa panayam namin sa komedyante, inusisa namin kung anong reaction niya na after sunod-sunod ang mga pelikulang flop, isang blockbuster ang LizQuen movie?
Tugon ni Ogie, “Natutuwa ako, kasi binali nila ang sumpa. Kasi kumbaga ‘di naman kasi this year lang, mahihina talaga ‘yung mga pelikula… tapos noong sumulpot yung Alone/Together biglang kumita. It’s a good news for the industry, lalo na’t kailangan natin talagang bumangon.”
Dagdag niya, “Lahat tayo bahagi ng industriya, pag nagfa-flop ang mga pelikula, dapat nalulungkot tayo. And kumakaunti na rin, nababawasan ‘yung mga film producers na nagpo-produce dahil siyempre kailangan nilang maibalik ‘yung pera nila, ‘di ba? Kaya ako’y natutuwa noong sumipa sa takilya ;yung Alone/Together.
“Siyempre ganoon pa man, sana kahit sa ibang pelikula ganoon din ang mangyari, kumita. Kahit man lang makabawi.”
Kinabahan ba siya na bago mag-showing, baka magaya ‘yung Alone/Together sa naunang movies na nag-flop?
Esplika ni Ogie, “Wala, alam kong kikita ‘yun, e. Kasi wala naman silang (LizQuen) flop. Kumbaga, importante lang naman dito ay kumita. ‘Yung iba kasi, ‘Ay di nila malalampasan ‘yung kinita ng isa, kasi ano…’ Hindi naman kami – ‘di naman gumawa ang LizQuen ng pelikula para tapatan at lampasan ang kinita ng ibang pelikula, ‘di ba?
“The mere fact na kumita, dapat maging masaya na tayo kasi ‘yun lang naman ang purpose e, kumita, maibalik ang puhunan, para mas marami pang pelikula ang mai-produce.”
So, ‘yung Alone/Together, hindi nag-aambisyon na higitan angThe Hows of Us ng KathNiel? “Oo. Diyos ko, ‘e di ba super bongga na ‘yun kung malagpasan, e kung hindi, at the end of the day, kumita pa rin naman siya,” sambit ng komedyante.
ALAM MO NA!
ni Nonie Nicasio
