Friday , March 29 2024

Kinabukasan ni Tony, ‘wag sirain

KUNG isa kayong balikbayan na nilayasan na ang America dahil wala naman kayong nakikitang magandang kinabukasan sa pagkalaki-laking bansa na ‘yon, maiintindihan n’yo kung bakit nagalit si Tony Labrusca noong ayaw siyang bigyan ng isang taon na permit na manatili sa Pilipinas pagkagaling n’ya sa US.

Sa Pilipinas siya may nakikitang magandang kinabukasan. May mga project na ang KapamilyaNetwork para sa kanya ngayong 2019. Nasa cast siya ng isang serye at may pelikula na ring na ka-assign sa kanya.

Sa isang report kamakailan ng ABS-CBN News website, naghingian ng tawad sa isa’t isa si Tony at ang kanyang ina dahil sa hindi nila nabigyan ng ginhawa sa buhay ang isa’t isa noong nasa US pa sila. Inamin pa nga ni Tony na nagsya-shoplift siya sa 7-11 ‘pag wala siyang pera at nagugutom na. Parang pareho silang mag-ina na walang regular na hanapbuhay sa US noon. 

Nakagugulat na ang dami palang inis, kundi man galit talaga, kay Tony. Noong panahon na ipinu-promote at ipina-publicize pa ang Glorious nila ni Angel Aquino, parang lahat ay natutuwa, kundi man naaakit sa kanya. Ngayong nakagawa siya ng maliit na pagkakamali, biglang-biglang muhi na sa kanya ang napakaraming Pinoy netizens. 

Gusto lang ba siya ng madlang Pinoy ‘pag wala siyang pang-itaas at idini-display ang abs at ang dibdib n’ya? 

Nag-apologize na ‘yung tao, at unang pagkakamali pa lang n’ya ‘yon kaya patawarin na muna natin ang pobreng balikbayan.

Malamang na ‘di na siya uli aasta ng ganoon. Alam na n’yang sa panahon ng social media, halos wala nang maililihim na pangyayari na sa publiko naganap. 

Hindi naman po nakapatay ng tao, nagpanggap na recruiter, nagbenta ng droga, o nagnanakaw sa kaban ng bayan. Uminit lang ang ulo n’ya at tumaas ang boses. ‘Yon lang. Kaya patawarin na po natin. Huwag po nating sirain ang kinabukasan n’ya. Mahabag po tayo!

KITANG-KITA KO
ni Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *