ARESTADO sa mga operatiba ng Quezon City Police District (QCPD) Batasan Police Station 6, ang lalaking hinihinalang pumatay sa kanyang 9-anyos stepdaughter sa Brgy. Payatas, Quezon City, kahapon umaga.
Sa ulat ni Supt. Joel Villanueva, hepe ng Batasan PS 6, dinakip si Mark Christian Cayetano, 24, construction worker at residente sa 23 Luzon St., Brgy. Payatas B sa nasabing lungsod, makaraang iturong pumatay kay Michaella Bernardino, 9 anyos, Grade 4 pupil, at residente sa 78 Visayas St., Phase 4, Lupang Pangako, Brgy. Payatas B.
Ayon kay Villanueva, dakong 9:30 am kamakalawa nang matagpuan ang bangkay ng biktima sa tambak ng mga basura sa isang bakanteng lote sa Phase 3, Block 7, Lupang Pangako, Payatas B.
Iihi sana sa lugar ang 12-anyos na si Jasmin Saguno, residente ng naturang lugar, nang mapuna na may bahagi ng katawan ng tao, na tinabunan ng mga bato sa lugar
Dinakip si Cayetano makaraan ituro ng isang testigo na siya ang nakitang huling kasama ng biktima bago matagpuang patay.
Mahigpit na itinanggi ni Cayetano ang akusasyon.
(ALMAR DANGUILAN)
Check Also
4 arestado sa pot-session sa Valenzuela
SWAK sa kulungan ang apat katao matapos mahuli sa akto ng mga pulis na sumisinghot …
Sigang tambay, kulong
‘IBINALIBAG’ sa selda ang 22-anyos tambay makaraang pumalag at ‘magpamalas ng kabangisan’ nang ireklamo ng …
Mas maigting na pakikilahok ng LGUs sa edukasyon isinusulong ni Gatchalian
MULING isinulong ni Senador Win Gatchalian na paigtingin ang pakikilahok ng local government units (LGUs) …
Namatay sa baha sa Dubai
LUBOS NA TULONG MARAPAT IGAWAD SA TATLONG OFWs
KASUNOD ng pagpapaabot ng taos-pusong pakikiramay sa pagkamatay ng tatlong overseas Filipino workers (OFWs) sa …
Pagkatapos ng P15-M sunog sa palengke
PACO CATHOLIC SCHOOL NO FACE-TO-FACE CLASSES
INIANUNSIYO ng Paco Catholic School (PCS) ang suspensiyon ng face-to-face classes simula bukas, Martes, 23 …