Friday , March 29 2024

Imbestigasyon sa flood control ‘di matatapos sa pagbibitiw ni Andaya sa Rules Committee

ANG imbestigasyon sa maanomalyang flood control projects kina­sasangkutan ni Budget Secretary Benjamin Diok­no at kanyang mga balae na nagmamay-ari ng Aremar Construction sa Sorsogon ay hindi mata­tapos sa pagbibitiw ni Camarines Sur Rep. Rolando Andaya bilang chairman ng House Committee on Rules.

Inaprobahan ng mga kongresista ang mosyon ni Andaya na ilipat ang imbestigasyon sa House Committee on Appro­priations na kanyang lilipatan.

Pilit na itinatanggi ni Diokno ang mga paratang na pinaboran niya ang Aremar Construction na pagmamay-ari ng nga Hamor ng Casiguran Sorsogon.

Ang anak ni Diokno na si Charlotte ay asawa ni Romeo Sicat Jr., anak ni Ester Hamor sa unang asawa.

Nakinabang nang malaki, ayon kay Diokno ang Aremar Construction sa mga joint venture projects nito sa CT Leoncio Trading and Construction sa mga flood control projects sa Casiguran, Sorsogon.

Inakusahan ni Anda­ya si Diokno na inamyen­dahan ang Implementing Rules and Regulations (IRR) sa Government Procurement Reform or Republic Act (RA) No. 9184 para legal na maka­lahok ang kanyang ahensiya sa bidding ng mmalalaking proyekto sa bansa.

Nakasaad sa RA 9184, ang bidding ay gagawin ng ahensiya kung saan nakalagay ang pondo para sa proyekto. May P81,107,036, uma­no’y, pondo ang napunta sa Aremar kaugnay sa mga proyektong napunta sa dummy contractors.

“Hindi lang sa NEP (National Expenditure Program) may insertions ang DBM. Mayroon din inserted provisions sa IRR para baluktutin ang mga probisyon ng RA No. 9184,” ani Andaya.

“Maliwanag po sa RA No. 9184. ‘Yung procure­ment ng isang departa­mento, batay sa Annual Procurement Plan niya o APP. Fixed ito at hindi pabago-bago dahil naka­batay sa plano. Kung nasaan ang pondo, siya rin ang magsasagawa ng procurement o bidding activities. Hindi raw puwedeng mag-procure o magpa-bid kung labas sa Annual Procurement Plan ng departamento,” dag­dag niya.

Paliwanag ni Anda­ya, inamyendahan ni Diokno bilang chairman ng Government Procure­ment and Policy Board (GPPB) ang Rule II Section 7.3 ng RA No. 9184 para magkaroon ng basehan ang mga ahensiya na ipa-bid sa iba ang mga pro­yekto nila.

Si Andaya ang awtor ng R.A. 9184.

“Sa insertion na ito, deretso nang sinasabi sa mga departamento na puwede nilang ipasa ang bidding ng kanilang mga proyekto sa ibang pro­cure­ment entity kung wala silang proficiency o capability na magsagawa ng bidding. Dahil dito puwede nang ipasa ng DOTr ang bidding sa PS-DBM kung sa tingin nila ay mas proficient o capable ang nasabing opisina kaysa kanila,” ani Andaya.

Nauna nang sinabi ni Andaya na nagpa-bid ang DBM ng consultancy para sa mga proyekto ng gobyerno sa halagang higit P37-bilyones.

ni Gerry Baldo

About Gerry Baldo

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *