ni Maricris Valdez Nicasio
Makakasama nina Coco, Jake, Julia, at Kim ang ilan sa singers ng Ikaw Lamang soundtrack na sina Erik Santos, Angeline Quinto, Jovit Baldivino, at Marion Aunor. Sa ilalim ng produksiyon ng Star Records, tampok sa Ikaw Lamang Official Soundtrack ang mga theme song ng pinakamamahal na karakter ng teleserye na sina Samuel (Coco), Isabelle (Kim), Mona (Julia), at Franco (Jake). Bahagi ng track list ang Ikaw Lamang ni Gary Valenciano, Panaginip ni Erik, Somewhere ni Angeline, Sa Aking Pag-iisa ni Juris, Pangako ni Jovit Baldivino, Pers Lab ni Marion, at ang bersiyon ni KZ Tandingan ng Somewhere.
Samantala, huwag palampasin ang mga kapana-panabik na rebelasyon at makapigil-hiningang eksena sa master teleseryeng Ikaw Lamang gabi-gabi, pagkatapos ng Dyesebel sa Primetime Bida ng ABS-CBN.