Monday , March 25 2019
Breaking News
You are here: Home / Showbiz / Husay ni Mark, nakapanghihinayang
Husay ni Mark, nakapanghihinayang

Husay ni Mark, nakapanghihinayang

TATLONG taga-showbiz. Tatlong iba’t ibang ipinagbabawal na droga.

Shabu ang nahuli kay Sabrina M sa aktong paggamit nito. Sa party drugs naman nadidiin si Krista Miller na nadakip din kamakailan. Sinundan ito ni Mark Anthony Fernandez caught with one kilo of marijuana.

Napansin lang namin (hindi sa pangmemenos sa kanilang “tinitira” alongside their social status) na ‘yung Mark Anthony ay ginagamit lang ng isang taong nag-uumpisa pa lang sa bisyo. Kung antas kasi ng pamumuhay ang pag-uusapan, the good actor should be way above tsongki (tawag din sa damo).

Kundi man cocaine ay party drugs na may kamahalan ang street value ang dapat sana’y nahuli kay Mark, hindi tsongki na kahit sa halagang P10 isang stick ay mayroon ka nang mabibili.

Mark’s recent arrest ay nagbukas lang muli ng katotohanang hindi pa rin pala siya nakalampas sa kanyang bisyo, ito’y makaraang ilang beses na rin siyang binigyan ng pagkakataon ng GMA via several regular shows.

Noon pa namin nahahalatang something was wrong with Mark sa tuwing haharap na siya sa TV playing the roles assigned to him. Bulol at hindi klaro kung ideliber niya ang kanyang mga linya.

Mahusay kung sa mahusay na aktor si Mark, may lalim lalo’t kung seryoso ang kanyang papel at eksenang ipinagagawa sa kanya. Pero sayang na husay. Balitang naghiwalay na rin sila ng kinakasamang si Melissa. At ewan kung aalukin pa siya ng GMA ng regular show considering na may panawagan na rin sa mga TV network na ipasailalim nila ang kanilang mga contract artist sa drug test.

Sa pagkakahuli kay Mark without bail recommended, we can just imagine his dad Rudy Fernandez turning in his grave.

Sayang.

HOT, AW! – Ronnie Carrasco III

About Ronnie Carrasco III

Leave a Reply

Your email address will not be published. Required fields are marked *

*

Scroll To Top