Friday , March 29 2024

Hindi kami kontra sa Manila Bay rehab — Maynilad, Manila Water

ITINANGGI ng west zone concessionaire Maynilad Water Services, Inc. (Maynilad) at Manila Water ang mga alegasyong nabigo silang magbigay ng kaukulang sewerage para maiwasan ang polusyon sa Manila Bay at mga kaugnay na ilog nito.

Ayon kay Maynilad assistant vice president for corporate communications Jennifer Rufo, nagbukas na sila ng kanilang bagong P1.7-bilyong sewage treatment plant (STP) sa San Dionisio, Parañaque City kaya hindi totoong binabalewala nila ang probisyon sa kanilang kontratang pangasiwaan ang supply ng tubig sa Kamaynilaan.

“Maynilad has always been supportive of government’s move to clean up Manila Bay. Building new STPs is in line with this initiative, and the Parañaque Water Reclamation Facility is now our 22nd wastewater treatment facility in the West Zone. This is part of the P23.3 billion we have already invested since 2007 to improve wastewater infrastructure in our concession area,” wika ni Rufo sa Kapihan sa Manila Bay media forum sa Café Adriatico sa Malate, Maynila.

Sinabi niya, ang bagong Parañaque Water Reclamation Facility ay kayang linisin ang 76,000 cubic meters ng wastewater kada araw, at makatutulong sa pagpapabawas ng polusyong tumatapon sa Manila Bay mula sa sinasabing 500,000 household sa mga barangay ng San Dionisio, Sto. Niño, San Isidro, Moonwalk, San Antonio, Marcelo Green, BF, La Huerta at Don Bosco sa Parañaque City.

Una rito, pinuna ni administration senatorial bet Francis Tolentino ang dalawang water concessionaire sanhi ng kanilang kabiguang sumunod sa probisyon sa kanilang prankisa na makapagbigay ng sewerage treatment facilities sa Metro Manila.

Ayon kay Tolentino, mahalagang sundin ng Maynilad at Manila Water Company ang kanilang congressional franchise para magpatayo ng sewerage treatment plant dahil ang lahat ng nagmumulang tubig mula sa mga daluyan ng tubig ay ikinokonsiderang mga pollutant sa look.

Hinihiling din ng dating chairman ng Metro Manila Development Authority (MMDA) na magsagawa ng audit sa kinikita mula sa environmental fee na kinolekta ng water concessionaire mula sa mga consumer sa nakalipas na 21 taon.

Ipinaliwanag ni House Senior Deputy Minority Leader Lito Atienza na ang patuloy na polusyon sa Manila Bay ay dahil sa tinutukoy niyang ‘non-delivery’ ng Manila Water at Maynilad ng kanilang mga contractual obligation na makapagbigay ng waste-water treatment facilities. (Tracy Cabrera)

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *