Monday , March 25 2019
Breaking News
You are here: Home / News / Grace Poe, matatag sa No. 1 sa Pulse Asia survey
Grace Poe, matatag sa No. 1 sa Pulse Asia survey

Grace Poe, matatag sa No. 1 sa Pulse Asia survey

NANGUNGUNA pa rin sa pinakapinipi­ling kandi­dato sa pagka-senador ang reeleksiyonistang si Sen. Grace Poe, batay sa bagong survey na isinagawa ng Pulse Asia para sa nalalapit na 2019 elections.

Nakakuha ng 74.9 porsiyentong (%) vote preference si Poe at hindi natinag sa unang posi­syon ng listahan ng mga kumakandidatong senador.

Malayo naman ang agwat ng sumunod kay Poe na si Sen. Cynthia Villar na nakakuha ng 60.5% boto mula sa mga tinanong.

Sumunod kina Poe at Villar ang mga nagbabalik sa Senado na sina Taguig City Rep. Pia Cayetano at da­ting senador Lito Lapid na statistically tied sa ikatlo hanggang ikaanim na puwesto sa natamong 53.3% at 53% na sinundan din ni Sen. Nancy Binay (50.1%).

Pasok sa Magic 12 sina Sen. ­Edgardo ‘Sonny’ Angara (48.8%), Sen. Koko Pimentel (45.5%), Bong Go (44.7%), Jinggoy Estra­da (44.3%), Mar Roxas (41.8%), Ilocos Rep. Imee Marcos (41.2%), ­dating senador Bong Revilla (40.2%), Sen. Bam Aquino (38.5%), dating senador Serge Osmeña (37.7%) at dating Police Chief Bato Dela Rosa (36.9%).

Isinagawa ang survey simula 26-31 Enero 2019 sa 1,800 respondents.

Nagpahayag nang lubos na suporta sina Batangas Cong. Vilma “Ate Vi” Santos, ang kanyang mister na si Sen. Raph Recto kay Poe at mga re­elek­siyonistang sina Sen. Bam Aquino, Nancy Binay, JV Ejercito at Sonny Angara sa pro­clamation rally kama­kalawa ng gabi sa Lipa City, Batangas.

“Kapuri-puri naman talaga ang mga naga­wa ni Sen. Grace Poe sa Senado lalo sa kan­yang pagma­malasakit sa mga bata at kaba­taan,” ayon kay Ate Vi.

“Kaya kami ni Bata­ngas Gov. Dodo Man­danas at ng aking mister na si Raph  ay todo-suporta kay Sen. Poe at sa kanyang mga kaal­yadong re­election­ist senators.”

About hataw tabloid

Leave a Reply

Your email address will not be published. Required fields are marked *

*

Scroll To Top