Monday , March 25 2019
Breaking News
You are here: Home / News / Estudyante kalaboso sa high grade marijuana
Estudyante kalaboso sa high grade marijuana

Estudyante kalaboso sa high grade marijuana

KALABOSO ang isang 20-anyos estudyante makaraan makompiskahan ng mga pulis ng tatlong pakete ng kush o high-grade marijuana sa buy-bust operation sa Marikina City, kamakalawa.

Sa ulat ni Marikina chief of police, S/Supt. Roger Quezada, kinilala ang suspek na si Mark Joseph Legaspi, 20-anyos, nakatira sa nabanggit na lungsod.

Nabatid na makaraan makatanggap ng tip, agad ikinasa ng Marikina anti-drugs operatives ang buy-bust operation sa isang kainan sa Brgy. Parang sa lungsod na nagresulta sa pagkakadakip sa suspek.

Nakuha sa suspek ang tatlong pakete ng kush na tinatayang P1,000 ang halaga at buy-bust boodle money.

Nakapiit sa detention cell ng pulisya ang sus­pek na naka­tak­dang sampahan ng kasong paglabag sa Comprehensive Dangerous Drugs Act of 2002.

(ED MORENO)

About Ed Moreno

Leave a Reply

Your email address will not be published. Required fields are marked *

*

Scroll To Top