Monday , March 25 2019
Breaking News
You are here: Home / News / Enrile: Dagdag na trabaho, susi laban sa kahirapan
Enrile: Dagdag na trabaho, susi laban sa kahirapan

Enrile: Dagdag na trabaho, susi laban sa kahirapan

DAHIL tumaas ang bilang ng mga Filipino na nagsasabing sila’y mahirap noong 2018 ayon sa isang survey ng Social Weather Stations (SWS), nangako si dating Senate President Juan Ponce Enrile na kanyang paiigtingin ang pagdagdag ng mga trabaho para sa mga Filipino upang labanan ang kahirapan.

“For the economy, what is our way of fighting poverty? Create jobs. Kung may trabaho mga tao, maski paano uunlad ‘yan. At saka kung walang trabaho mga tao, walang gagamit ng produkto. Walang consumption. Wa­lang ekonomiya. Walang taxpayer,” pahayag ng beteranong mambabatas sa isang media forum.

Sinabi rin ni Enrile, kumakandidato para sa Senado sa darating na halalan, sakaling siya’y mahalal, ang una niyang gagawin upang dumami ang mga trabaho sa bansa ay pagbubukas ng ekono­miya sa foreign invest­ments.

“[We must] remove all barriers to foreign invest­ments in the country except those areas where it involves our national security,” sabi ni Enrile, na dating namuno sa Depart­ment of Finance sa ilalim ng administrasyon ni dating Pangulong Ferdi­nand Marcos.

Ayon sa dating Senate President, hindi na kai­langan ng mga negosyan­teng Filipino ng proteksiyon sa papasok na puhunan mula sa ibang bansa sapagkat sila ay “matured enough.”

Aniya, “They can compete with other capitalists from other countries. What we need to day is to create jobs for the jobless people to expand the economy.” Ipinaliwanag din ni Enrile na may tatlong hakbang siyang irereko­menda upang palaguin ang ekonomiya.

“The first is by investment either by government or the private sector including foreign and domestic capital. The second is through export by creating export products. The third is by consump­tion. You must have people who consume in society in order to expand the pie and create demands,” sabi ng dating Senador.

Ayon sa pinakabagong pag-aaral ng SWS na tumukoy sa self-poverty o bilang ng mga Filipino na nagsasabing sila’y mahirap, ang average self-poverty rate noong 2018 ay 48%, na mas mataas sa rate noong 2017 na 46%.

Sa kasalukuyan, may­roong 2.36 milyong Filipino na walang trabaho, at 9.8 milyong Filipino ang underemployed o kumuha ng trabahong mababa sa kursong natapos o ‘di naga­gamit ang buong kakaha­yan ng mangga­gawa. (JG)

About hataw tabloid

Leave a Reply

Your email address will not be published. Required fields are marked *

*

Scroll To Top