HATAW! D'yaryo ng Bayan hatawtabloid.com
KADALASAN kapag nasa adolescent stage na ang isang batang artista ay nawawala dahil sa awkward stage pero hindi mangyayari iyon kay Bugoy Cariño na grumadweyt na sa Goin’ Bulilit dahil kasama na siya sa grupong Hashtags.
Sa madaling salita tuloy-tuloy pa rin ang exposure ni Bugoy dahil nagdagdag ng bagong miyembro ang Hashtags kasi nga naman hindi na sila nakukompleto dahil karamihan sa kanila ay may tapings o shootings na.
Mahusay talagang sumayaw si Bugoy kaya kinuha siyang kilig ambassador ng grupo.
Aniya, ”hindi na bago sa akin ang pagsasayaw at showbiz. Pero itong maging kilig ambassador, ibang Bugoy ang makikita niyo.”
Makakasama rin ni Bugoy sina dating Pinoy Boyband Superstar contestant na siWilbert Ross, Maru Delgado, CK Kieron, Kid Yambao, Rayt Carreon, Vitto Marquez, at Franco Hernandez.
Kasama pa rin ang original na Hashtag members na sina Zeus Collins, Jimboy Martin, McCoy De Leon, Nikko Natividad, Tom Doromal, Jameson Blake, Paulo Angeles, Jon Lucas, Ryle Santiago, Luke Conde, at Ronnie Alonte.
FACT SHEET – Reggee Bonoan
