Thursday , March 28 2024
gun QC

Bebot gustong kumalas sa BF patay sa 2 beses putok ng baril

PATAY ang 24-anyos babae makaraang dala­wang beses barilin ng kani­yang kinakasamang lalaki nang hindi matanggap ang hiwalayan blues,  sa Quezon City, ayon sa ulat kahapon ng pulisya.

Kinilala ni Quezon City Police District (QCPD)  Batasan Police Station (PS 6) commander P/Lt. Col. Joel Villanueva, ang biktima na si Divina Buere Catina, 24, walang trabaho, tubong Bicol at residente sa Lower Baya­nihan St., Brgy. Com­monwealth, QC.

Siya ay namatay habang inooperahan sa East Avenue Medical Center dahil sa dalawang tama ng bala ng kalibre .45 sa likuran.

Agad  naaresto ang suspek na live-in partner ng biktima na si Rege­naldo Bulye Galaygon, alias Dong, 53 anyos.

Ayon kay PO1 John Mark Calda, ang pama­maril  ay naganap dakong 9:10 pm sa  tahanan ng live-in partners.

Sa pahayag ng sak­sing si Luie Flores Orica, 28, kapitbahay ng biktima, nagtungo ang suspek sa tahanan ng kaniyang live-in partner na si Catina pero maka­lipas ang ilang minuto ay naulinigan na niyang nag-aaway ang dalawa at saka nakarinig ng dalawang putok ng baril.

Makaraan,  nakita niyang duguang tuma­tak­bo palabas ng bahay ang biktima habang humihingi ng saklolo kaya agad tinulungan ni Orica at isinugod sa ospital.

Nabatid na nakiki­pag­hiwalay ang biktima sa suspek at posibleng dahil hindi matanggap ng lalaki ang desisyon ng babae kaya niya binaril.

Naaresto ang suspek ng mga nagrespondeng pulis sa kanilang bahay.

Nasamsam sa crime scene ang isang kalibre .45 pistol na may maga­zine at may laman na limang bala, may serial number 812978.

(ALMAR DANGUILAN)

About Almar Danguilan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *