Wednesday , March 27 2019
Breaking News
You are here: Home / News / Batangas vice gov ipinatawag ng DoJ

Batangas vice gov ipinatawag ng DoJ

IPINALABAS na rin ng Department of Justice  (DoJ) ang subpoena para kay Batangas Vice Governor Mark Leviste kaugnay ng nasamsam na 84 kilo ng illegal na droga sa isang rancho sa Batangas na pag-aari ng pamilya Leviste.

Sa isang pahinang subpoena na pirmado nina Assistant State Prosecutors Juan Pedro Navera at Irwin Maraya, kasama rin sa pinahaharap sa gagawing preliminary investigation sina Conrad Leviste, ama ni Vice Gov. Mark at kakambal ni dating Batangas Governor Antonio Leviste; Benny Orense, administrator ng LPL Ranch Estate at ang Corporate Secretary ng LBJ Development Corporation.

Sa isang hiwalay na subpoena, ipinatatawag din ng DoJ si Jorge Gomez Torres alyas Jorge, ang umupa sa bahagi ng LPL Ranch kung saan nasamsam ang illegal na droga noong Pasko.

Si Torres na hinihinalang utak ng sindikato ng illegal na droga ay pinaghahanap na ngayon ng mga awtoridad.

Una na rin pinasisipot ng DoJ si Dating Governor Leviste sa nabanggit na pagdinig sa araw ng Huwebes, ikasiyam ng Enero.

Kontrobersyal ang pagkakadawit ng pangalan ni Leviste sa nasabing rancho dahil ayon kay Justice Secretary Leila de Lima, sakaling mapatunayan na pag-aari nga niya ang rancho at alam niya ang operasyon ng illegal na droga roon, maaari itong gawing batayan para bawiin ang parole na iginawad sa kanya.                (BETH JULIAN)

About hataw tabloid

Leave a Reply

Your email address will not be published. Required fields are marked *

*

Scroll To Top