Wednesday , March 27 2019
Breaking News
You are here: Home / Bulabugin / Ampatuan public & private prosecutors nagrambulan na?!

Ampatuan public & private prosecutors nagrambulan na?!

00 Bulabugin

FOR the nth hour, kung kailan pinag-uusapan na kung paano magkakaroon ng partial promulgation ‘e saka pa nagkaroon ng mga haka-haka at pagdududa na mayroong sumasabotahe sa proseso ng paglilitis sa Ampatuan massacre.

Sinisi at pinagbibintangan ni Justice Undersecretary Francisco Baraan III ang dalawang private lawyer na sina Atty. Nena Santos at Prima Jesus Quinsayas na nanggugulo at malisyoso.

Ito ay matapos ihayag ng dalawang abogado na si Barang ‘este’ Baraan ay nakipagsabwatan sa abogado ng mga akusado na si Atty. Siegfried Fortun kapalit ng suhol mula sa prime accused na si dating Datu Unsay mayor Andal Ampatuan, Jr.

Mahigpit na itinanggi ni Baraan na akusasyon nina Santos at Quinsayas. Pinanindigan niyang ang bintang ay ‘FABRICATION’ umano.

Pero inamin niya na nag-meeting sila ni Fortun pero ibang kaso umano ang kanilang pinag-usapan at walang kinalaman sa Ampatuan massacre.

What the fact!?

Sa ating pagkakaunawa sa nagaganap na ‘bangayan’ ng prosecutors at private lawyers, ayaw pumayag nghuli na itigil ang presentasyon ng ebidensiya dahil marami pa umano silang ihaharap.

Pero kailangan na rin umanong isalang sa witness stand ang panig ng depensa na mukhang maghaharap din ng sandamakmak na testigo.

Ayon naman sa grupo nina Atty. Harry Roque, dapat ipatupad ang First in-First Out system na pinapayagan ng Korte Suprema, para magkaroon ng partial promulgation.

Sa panig ng prosecutors, nais nilang paboran ang pansamantalang pagtigil ng presentasyon para nga naman mahatulan na ang mga pwede nang hatulan dahil ilang taon na rin naman nakakulong ang mga akusado.

Nagiging komplikado tuloy ang sitwasyon at lalong lumalabo dahil sa paglalabo-labo ng prosecutors at private lawyers.

Unahin n’yo kayang magkasundo muna bago ninyo ilatag ang mga mungkahi ninyo.

Hindi ba mga abogado kayo? Alam n’yo naman siguro ang batayang prinsipyo ng debate at argumento, ‘di ba?

Hindi ba pwedeng sa ngalan ng katarungan at para sa bayan ‘e magkasundo kayo?!

Pwede ba?!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top