Friday , March 29 2024

70 saksak resbak ng delivery boy sa Solaire lady employee (Pagkatao minaliit)

UMABOT sa 70 saksak ng gunting ang naging ganti ng isang delivery boy sa 23-anyos babae makaraang maliitin ng biktima ang kanyang pagkatao kahapon ng umaga sa Pasay City.

Namatay noon din ang biktimang si Rachelle Fernandez, ng Unit 832, 8th floor, Park Avenue Mansion, Park Avenue, Pasay City, empleyada ng  Solaire Casino Hotel.

Nasa kustodiya na ng Pasay City Police ang suspek na si Ronald Rosello, 28, ng Unit 920, 9th Floor ng nasabing condo unit.

Base sa ulat na nakarating kay Pasay City Police chief, Sr. Supt. Joel Doria, nangyari ang insidente dakong 6:45 a.m. sa tinitirhang condo ng biktima.

Sinasabing inabangan ng suspek ang biktima sa paglabas sa inuupahang condo unit at sinalubong nang maraming saksak sa katawan hanggang malagutan ng hininga.

Pagkaraan, pumasok ang suspek sa unit 843 na pag-aari ni Ronaldo Reyes, 43, isang OFW, sa pamamagitan ng pagdaan sa bintana.

Nagulat si Reyes nang makitang duguan si Rosello ngunit sinabi sa kanyang huwag maingay kung ayaw niyang madamay.

Mabilis na tumakbo si Reyes palabas kasama ang asawa’t anak at ipinagbigay-alam ang insidente sa guwardiya na agad na iniulat sa Pasay City Police ang nangyari.

Pagkaraan ay mabilis na naaresto ng mga awtoridad ang nasabing suspek.

Sa pulisya, aminado ang suspek sa krimen at sinabing nagawa niya ang pagpatay sa biktima dahil sa sama ng loob makaraang maliitin ang kanyang pagkatao.

Aminado rin ang suspek na bangag siya sa droga nang isagawa ang brutal na pagpatay sa biktima at idiniing hindi niya hinalay.

Ang suspek ay nahaharap sa kasong murder at illegal possession of deadly weapon sa Pasay City Prosecutor’s Office.

About Jaja Garcia

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *