HATAW! D'yaryo ng Bayan hatawtabloid.com
MA at PA
ni Rommel Placente
NAKATUTUWA naman itong si Robin Padilla. Sa kabila kasi na hiwalay na ang anak niyang si Kylie Padilla kay Aljur Abrenica, nagawa pa rin niyang i-promote sa kanyang Facebook account ang suspense-drama documentary show ng manugang niya, ang Eskapo na mapapanood sa PTV4.
Post ni Binoe sa kanyang FB account, ”Mabuhay Mga kababayan! Abangan niyo po ang ‘ESKAPO’ starring Aljur Abrenica sa September 25 | 5PM-6PM Sa Magandang Gabi Pilipinas in PTV4.”
Kalakip ng post ang teaser ng TV show ni Aljur na mula sa direksiyon ni Cesar Soriano.
Sa post na ‘yun ni Binoe, maraming netizen ang nag-react.
Isang netizen ang nagsabi na, ”Eskapo sa Pamilya! Part 1,” na ang gusto sigurong iparating ng netizen ay ang pag-iwan ni Aljur kay Kylie.
“Kylie has left the group,” pagbibiro naman ng isang netizen.
Ano naman kaya ang magiging reaksiyon ni Aljur kapag nakarating sa kanya ang ginawang pagpo-promote ni Binoe ng kanyang show? At si Kylie, ano kaya ang mararamdaman sa ginawa ng kanyang ama?
