HATAWAN
ni Ed de Leon
BAKIT nga ba pinipilit pa rin daw si Lian Paz na magsalita tungkol sa hiwalayan nina Paolo Contis at Lj Reyes? Sinabi na rin naman niyang para sa kanya, “past is past.” Ayaw niyang makialam dahil hindi naman siya concerned at kahit na sabihin mong may dalawang anak din naman siya kay Paolo, mahigit anim na taon na silang hiwalay, may asawa na rin naman siya ngayon at tahimik na ang kanyang buhay.
Kung magsasalita pa siya, baka madamay lang siya sa isang sitwasyong hindi maganda.
Alam naman ninyo kung minsan, iyang mga mahilig na maghalukay ng controversy wala rin silang pakialam kung ang ini-interview nila ay mapapahamak pa, basta makagawa lang sila ng kuwento.
Kaya tama si Lian. Huwag na siyang magpadala sa ganyang pambubuyo, after all ano nga ba ang makukuha niya magsalita man siya.
Lalabas pa siyang pakialamera.