Thursday , March 28 2024
 Marco Gumabao, Julia Barretto, Marco Gallo
 Marco Gumabao, Julia Barretto, Marco Gallo

Julia sa buhay niya ngayon — grateful, happy and content

SHOWBIZ KONEK
ni Maricris Valdez Nicasio

HINDI nagdalawang-isip si Julia Barretto na tanggapin ang fantasy-romance drama na Di Na Muli ng Viva, Sari-Sari, at TV5. Nagustuhan kasi agad ng aktres ang istorya dahil kakaiba at hindi pa niya nagagawa ang karakter na ginagampanan dito.

Ito rin bale ang comeback teleserye ni Julia simula nang umalis siya sa ABS-CBN.

Ginagampanan ni Julia ang karakter ng isang taong mayroong abilidad na makita ang life span ng isang tao kapag hinawahawakan niya ang kamay ng mga ito.

Sa virtual media conference natanong si Julia gayundin ang dalawa niyang leading men na sina Marco Gumabao at Marco Gallo kung ano ang mga bagay na ‘di na muli nila babalikan.

Ani Gumabao, hangga’t maaari ayaw niyang mag-regret sa mga naging desisyon niya sa buhay. Pero kung may nagawa man siyang pagkakamali, aayusin na lang niya at itatama.

Happy naman si Gallo sa lahat ng nangyayari sa buhay niya pero kung mayroon siyang hindi babalikan, iyon ay ang old Marco at ang mga naging pagkakamali niya in the past.

Ayaw namang magkaroon ng regrets ni Julia. ”Ako, I would have to agree with Marco (Gumabao). I don’t believe in regrets and and I don’t believe in regretting anything especially if it brought you to where you are in life right now. And I’m pretty grateful for where I am right now, and happy and content.

“Siguro, ‘yung akin na lang is kung mayroon akong ‘di na muli babalikan na moment or pangyayari sa buhay ko, siguro ‘di ko na babalikan ‘yung moment na kinailangan kong magpaalam sa lolo ko.

“Masakit ‘yun, eh. Masakit ‘yung kailangan mong magpaalam at mawalan ng mahal mo sa buhay,”  paliwanag ni Julia.

Ukol naman sa magandang nangyari sa kanyang buhay, naibahagi ni Julia ang pagpasok sa Philippine Coast Guard Auxiliary (PCGA) na ang kanyang boyfriend na si Gerald Anderson ang nag-akay sa kanya para pasukin din ito.

“Alam naman siguro ng lahat na si Ge ay isang miyembro ng Philippine Coast Guard for a couple of years now. So, nakasama ako sa iba niyang nagawang mga charity works sa project niya, sa mga donation drive niya. Madalas ko ring nakakasama siyempre ‘yung Philippine Coast Guard everytime they come up with events and projects like that.

“So they asked me if I was interested in joining, and I thought it was a good idea since sumasama na rin ako. And because I learned as a volunteer. Bilang isang volunteer, makaka-create ka rin ng projects and mga event na makatutulong sa mga taong nangangailangan ng tulong. And that really got me interested,” sambit ng dalaga.

Mapapanood ang Di Na Muli sa Sept. 18 sa TV5. Kasama rin nina Julia, Gumabao, at Gallo sina Angelu de Leon at Bobby Andrews. Gayundin sina Baron Geisler, Nicole Omillo, Krisha Viaje, Andre Yllana, at Katya Santos.

About Maricris Valdez Nicasio

Check Also

Audrey Avila

Audrey Avila, maraming pasabog ng eksena sa pelikulang Dayo

ALAM MO NA!ni Nonie Nicasio ANG pelikulang Dayo ang susunod na aabangan sa sexy actress …

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Leave a Reply

Your email address will not be published. Required fields are marked *