Sunday , September 19 2021

Mag-asawa itinumba ng tandem sa Kyusi

PINAGBABARIL hanggang mapatay ang mag-asawa habang sakay ng motorsiklo ng riding-in-tandem na dumikit sa kanila sa Quezon City, nitong Lunes ng gabi.

Ang mga biktima ay kinilalang sina Leo Dotado Gupit, 29, may asawa, sari-sari store owner, at ang misis niyang si Lyn Alcos-Gupit, 28, housewife, kapwa residente sa Aguinaldo Street, Pasong Tamo, Quezon City.

Sa report ng Criminal Investigation and Detection Unit ng Quezon City Police District (CIDU-QCPD),  bandang 8:00 pm nitong 2 Agosto,nang maganap ang insidente sa kanto ng Aguinaldo at Magsaysay streets sa Barangay Pasong Tamo, sa lungsod.

Batay sa imbestigasyon ni P/Cpl. Mark Darwin Contado, isang alyas Lester ang nasa loob ng kanilang bahay nang makarinig ng magkakasunod na putok ng baril sa labas.

Pagsilip umano ni Lester ay nakita niya ang isang babae at lalaki na kapwa duguang nakabulagta sa tabi ng kanilang improvised motorcycle (kolong-kolong) habang papatakas ang dalawang suspek na magkaangkas sa motorsiklo patungo sa direksiyon ng Gukbet Street.

Agad ipinagbigay-alam sa mga opisyal ng  Barangay Pasong Tamo ang naganap na krimen saka inireport sa mga awtoridad.

Ayon sa SOCO na pinamumunuan ni P/Lt. Reynold Tabbada, si Leo Gupit  ay tinamaan ng bala sa dibdib at braso habang ang misis nito ay tinamaan sa dibdib at kaliwang tainga.

Masusi nang nagsasagawa ng imbestigasyon ang mga awtoridad sa naganap na pamamaril. (ALMAR DANGUILAN)

About Almar Danguilan

Check Also

Michael Yang, Pharmally, DOH, PS-DBM,

‘Taya’ ni Yang sa Pharmally ‘pitik’ sa P42-B pandemic funds ng DOH

AALAMIN ng mga senador kung ang P7-B ipinautang umano ni dating presidential economic adviser Michael …

Leave a Reply

Your email address will not be published. Required fields are marked *