Thursday , March 28 2024

Family ‘lockdown’ hikayat ng Palasyo

ni ROSE NOVENARIO

HINIMOK ng Palasyo ang pagdedeklara ng family lockdown ng pinuno ng pamilya o head of the family upang maiwasan ang mabilis na pagkalat ng kinatatakutang Delta variant ng CoVid-19.

Ayon kay Presidential Spokesman Harry Roque, mas makabubuting magbigay ng direktiba ang head of the family sa kanyang kapamilya na huwag lumabas ng bahay kung hindi napakahalaga ng pakay.

Ito aniya ay suhestiyon sa pamahalaan ni Cebu City acting Mayor Michael Rama.

“Kung hindi kinakailangang lumabas ng tahanan, huwag nang lumabas. Alam ninyo, may magandang nasabi sa akin si Acting Mayor Rama ng Cebu City e. The best way po to implement what we want to achieve is for the head of the family to declare family lockdown. Kada pamilya na po, kung hindi kinakailangang lumabas, iyong pinuno ng pamilya – tatay, nanay, lolo, lola at tiyo – mag-order: Walang lalabas unless bibili ng pagkain o gamot. Kung hindi kinakailangan, lahat manatili sa tahanan,” sabi ni Roque sa Palace virtual press briefing.

        Hindi na aniya kailangan dumepende ang bawat pamilya sa idinedeklarang quarantine restrictions ng pamahalaan bagkus ay magkusa ang bawat pamilya na pastolin ang kanilang mga miyembro upang hindi dapuan ng Delta variant.

“Alam po ninyo, huwag na tayong mag-rely pa sa mga ECQ-ECQ – family lockdown ang solusyon po rito. Nananawagan po ako sa lahat, ng hepe ng mga pamilya – hindi ko naman po masabing padre dahil marami tayong mga OFWs na marami rin mga madre de pamilya, mga lolo de pamilya ‘no – family heads, mag-declare na po kayo ng household lockdown. Huwag na ninyong palabasin ang inyong mga mahal sa buhay dahil baka mamatay pa iyan dahil sa Delta variant – by order of the head of the family!”

Kaugnay nito, tiniyak ni Roque, makatatanggap ng isang libong piso o hanggang apat na libong piso kada pamilya ang mga nakatira sa lugar na nasa ilalim ng enhanced community quarantine (ECQ).

Matatanggap ng mga lokal na pamahalaan ang ayuda para sa kanilang constituents bago muling ipatupad ang lockdown simula 6-20 Agosto sa National Capital Region, ayon kay Roque.

“Kaya naman po ang assurance ng ating presidente, hindi talaga tayo magla-lockdown kung walang ayuda. At nakompirma ko ngayong araw na ‘to siguradong-sigurado po ibibigay natin ang ayuda,” aniya.

Ang inihirit aniyang 4 milyon doses ng CoVid-19 vaccines ng Metro Manila mayors ay hindi maipagkakaloob ng national government bagkus ay 2.5 milyon doses lamang ang siguradong maipamamahagi sa kanila.

“Alam ko po, nang huli kong tinanong si Secretary Galvez, ang siguradong sigurado hanggang 2.5 million,” sabi ni Roque.

Patuloy ang pagbabakuna sa Metro Manila kahit lockdown ngunit tanging nagparehistro sa online ang babakunahan at ipagbabawal ang walk-in. (ROSE NOVENARIO)

About Rose Novenario

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *