Saturday , September 18 2021
Manoling Morato Jake Cuenca
Manoling Morato Jake Cuenca

Jake nalungkot sa pagyao ng tiyuhing si Manoling Morato

HATAWAN
ni Ed de Leon

MALUNGKOT si Jake Cuenca sa naging pagyao ng kanyang great grand uncle, si dating MTRCB Chairman Manoling Morato matapos ang pananatili ng apat na araw lamang sa ospital dahil sa pneumonia, na ang talagang sanhi umano ay Covid19. Si Manoling ay nanungkulan din bilang chairman ng PCSO at noong panahong iyon ay sinasabing napakarami nilang natulungan lalo na ang mga maysakit.

Sa showbiz, naging kontrobersial din si Manoling, pero hindi maikakaila na noong panahon niya sa MTRCB ay napatigil niya ang mga mahahalay na panoorin na kung tawagin noon ay “penekula” o “Pene films” dahil halos lahat nga ay nagpapakita na ng “actual penetration.”

Sinasabi nga ni Manoling na, ”marami ang umaway sa akin sa mga taga-showbiz, pero ipinatutupad ko lang ang batas na siya ko namang dapat gawin, at napatigil natin ang mga kabastusan.”

Sinabi nga ni Jake na akala nila, malulusutan ni Manoling ang huling pagsubok na iyan, dahil malakas siya eh, pero siguro dala na rin ng kanyang edad hindi na niya nakayanan.

“Descansa en paz, tio Manoling” ang mensahe na lang ni Jake sa kanyang tiyuhin.

About Ed de Leon

Check Also

Blind Item Corner

Panloloko ni actor nabisto ni showbiz gay

ANG akala ng male starlet ay totoong baliw na baliw na sa kanya ang showbiz gay. Ang balak lang …

Leave a Reply

Your email address will not be published. Required fields are marked *