HATAW! D'yaryo ng Bayan hatawtabloid.com
MATABIL
ni John Fontanilla
SA pagbubukas ng ikalawang aklat ng hit afternoon serye na Prima Donnas, makakasama na si Sheryl Cruz. Kaya naman balik-teleserye na ang aktres na huling napanood sa Magkaagaw.
Ayon kay Sheryl, ”Excited ako kasi sa role na gagampanan ko rito dahil very challenging sa akin, although nagawa ko na noon ito sa movie na comedy siya at drama naman ngayon sa serye.
“Nasa akin na ‘yung script at habang binabasa ko siya mas lalo akong nae-excite dahil sobrang ganda talaga ng role na gagampanan ko. Kaya naman very thankful ako sa GMA 7 for giving me good projects.”
Bukod kay Sheryl, makakasama rin sa Book 2 ng Primadonnas sina Allen Ansay at Bruce Roeland at aabangan naman dito ang pagbabalik ng character ni Sofia Pablo bilang si DonnaLyn.
