Tuesday , March 19 2024
dead gun police

May-ari ng ospital patay sa pamamaril (Sa North Cotabato)

BINAWIAN ng buhay ang isang retiradong doktor mata­pos barilin ng hindi kilalang mga suspek habang naglalakad malapit sa kanyang bahay sa bayan ng Pikit, lalawigan ng North Cotabato, nitong Biyernes, 23 Hulyo.

Kinilala ni P/Maj. Mautin Pangandigan, hepe ng Pikit MPS, ang biktimang si Dr. Robert Cadulong, may-ari ng Cadulong Medical Hospital sa Brgy. Poblacion, sa nabanggit na bayan.

Sa paunang imbestigasyon, nabatid na naglalakad si Cadulong dakong 5:00 am malapit sa kanyang tahanan nang malapitang pagbabarilin ng magkaangkas sa motorsiklong mga suspek gamit ang isang kalibre .45 pistola.

Ani Pangandigan, idi­neklarang dead on arrival ang biktima sa pagamutan dahil sa mga tama ng bala ng baril sa iba’t ibang bahagi ng kanyang katawan.

Ayon sa mga nakasaksi sa insidente, nakasuot ang mga suspek ng itim na face masks, itim na jacket, at helmet, tumakas patungo direksiyon ng Pagalungan, Maguindanao.

Dating nagsilbi si Cadulong bilang municipal health officer ng mga bayan ng Pagalungan at Datu Montawal, sa lalawigan ng Maguindanao. (KLGO)

About Karla Lorena Orozco

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *