Robin umatras sa pagkandidato sa CamSur

HATAWAN
ni Ed de Leon

TINANGGIHAN din ni Robin Padilla ang alok sa kanyang kumandidato rin sa Camarines Sur. Nauna riyan tinanggihan na rin niya ang sinasabing pagsasama sa kanya ni Presidente Digong sa kanilang
senatorial slate bago pa siya makausap niyon.

Mukhang hindi na makukumbinsi si Robin kahit na nangako ang presidente na ikakampanya niyang lahat ang kanilang mga kandidato at magdadala siya ng sako-sakong pera para sa kanilang kampanya.

Inamin din ni Robin na may balak pala silang buong pamilya na mag-migrate sa abroad, maaaring sa Europe para mapalaking may privacy ang mga anak nila ni Mariel. Kailangan lang na maipagbili niya ang kanyang bahay na napakalaki naman, at noon nga ay ginamit pa niyang
eskuwelahan para sa mga batang Muslim. Isa pa, nasubukan na rin naman ni Robin na kumandidato noon sa Nueva Ecija at nang matalo siya roon, parang nawalan na siya ng gana sa anumang government position.