Saturday , September 18 2021

Rider patay sa hit and run (Truck driver arestado)

SA MAAGAP na pagresponde ng pulisya gayondin sa tulong ng CCTV footage at testigo, naaresto ang isang truck driver na responsable sa pagkamatay ng isang motorcycle rider sa Cagayan Valley Road, Brgy. Anyatam, sa bayan ng San Ildefonso, lalawigan ng Bulacan, nitong Miyerkoles ng umaga, 21 Hulyo.

Sa ulat mula kay P/Lt. Col. Carl Omar Fiel, hepe ng San Ildefonso Municipal Police Station (MPS), kinilala ang arestadong suspek na si Vandal Marquez, residente sa Brgy. Mangino, lungsod ng Gapan, lalawigan ng Nueva Ecija.

Nabatid na minamaneho ni Marquez ang isang Isuzu trailer truck, may tractor head plate no. AFA-7913 na sinasabing suspek sa pagkamatay ni Jospher Cuevas ng Brgy. Makapilapil, sa nabanggit na bayan.

Batay sa imbestigasyon, aksidenteng dumulas ang motorsiklong minamaneho ni Cuevas pababa nang mag-overtake sa kanang bahagi ng lansangan na naging sanhi ng pagkahulog nito sa sementadong kalsada hanggang magulungan ng trailer truck ang ulo ng biktima na kanyang ikinamataysamantala ang angkas niya ay bahagyang nasugatan.

Imbes huminto, sumibat ang trailer truck papuntang norte kaya agad nagsagawa ng hot pursuit operation ang mga tauhan ng San Ildefonso MPS.

Sa tulong ng kuha ng CCTV at testigo, agad naaresto ang suspek sa loob ng kanilang garahe sa Brgy. Castellano, bayan ng San Leonardo, lalawigan ng Nueva Ecija. (MICKA BAUTISTA)

About Micka Bautista

Check Also

Michael Yang, Pharmally, DOH, PS-DBM,

‘Taya’ ni Yang sa Pharmally ‘pitik’ sa P42-B pandemic funds ng DOH

AALAMIN ng mga senador kung ang P7-B ipinautang umano ni dating presidential economic adviser Michael …

Leave a Reply

Your email address will not be published. Required fields are marked *