Sue ‘di alam kung sino ang pipiliin sa dalawang JC

SHOWBIZ KONEK
ni Maricris Valdez Nicasio

SINO ba talaga ang karapat-dapat kay Sue Ramirez? Sino ba ang dapat piliin kina JC de Vera at JC Santos? Ito ngayon ang pinoproblema ni Sue sa kasalukuyang seryeng napapanood sa WeTV, ang Boyfriend No. 13.

Ang officemate ba niyang si Bob o ang itinuturing niyang soulmate na si Don? Ang problema, ang destiny at puso ni Kim ay tila nagtatalo sa kung sino ang pipiliin.

Kung sino ang mananalo sa puso ni Kim, iyon ang aalamanin natin sa pagpapatuloy ng istorya ng Boyfriend No. 13 sa dalawang new episodes kagabi at sa Biyernes, July 23, 7:00 p.m.. na napapanood ng libre.

Kaya tutok na kina Sue, JC Santos, at JC De Vera na nagbigay ng nakakikilig at komedyang panoorin na ginabayan ng kanilang director na si Sweet Lapus.