Saturday , July 31 2021
Breaking News
You are here: Home / News / 24-hour curfew sa minors, ipinatupad muli sa Navotas
24-hour curfew sa minors, ipinatupad muli sa Navotas

24-hour curfew sa minors, ipinatupad muli sa Navotas

BUNSOD ng pagtaas ng kaso ng coronavirus disease, inihayag ng pamahalaang lungsod ng Navotas, ipatutupad muli ang 24-oras curfew para sa mga menor de edad.

Ayon kay Mayor Toby Tiangco, noong 17 Hulyo iniulat ng COVIDKAYA, ang Navotas ay nakapagtala ng 105.06% 2-week growth rate ng CoVid-19 cases, pinakamataas sa Metro Manila.

“In June, we had the lowest average daily attack rate in the region. We even recorded 41 active cases on June 25. Now, our active cases have multiplied almost four times. We cannot be complacent. We need to implement additional measures to keep our people safe, especially the children and vulnerable sectors,” paliwanag niya.

“Each of us wants our life to go back to normal. However, we are facing a pandemic and we need everyone’s support and cooperation in keeping each other safe,” dagdag ng alkalde.

Nauna rito, ang Inter-Agency Task Force for the Management of Emerging Infectious Diseases (IATF) ay nagpasa ng resolusyon na pumapayag sa mga kabataang edad 5-anyos pataas na maaari nang lumabas sa mga lugar na nasa ilalim ng general community quarantine (GCQ) at modified GCQ.

Ang Navotas ay naghahanda sa pagpapatupad sa naturang polisiya ngunit nagpasyang pigilan ito dahil sa patuloy na pagtaas ng CoVid cases.

Hanggang 18 Hulyo, ang Navotas ay nakapagtala ng 11,244 cases, 10,713 dito ang mga gumaling, 154 ang active, at 377 ang mga namatay. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top