Thursday , March 28 2024

Puna ni Isko kay Sara ireklamo sa Comelec (Sa maagang pag-iikot)

WALANG mangyayari sa puna ni Manila Mayor Francisco “Isko Moreno” Domagoso kay Davao City Mayor Sara Duterte sa ginagawa nitong pag-iikot sa mga lalawigan gayondin ang pag-aakusa ng ilang kritiko na early campaigning laban sa presidential daughter hanggang walang inihahaing reklamo sa Commission on Elections (COMELEC).

Ito ang sinabi ng political analyst na si University Of the Philippines (UP) professor Ramon Casiple kaugnay ng maagang pangangampanya ni Mayor Sara.

Ayon kay Casiple, madaling makalulusot sa alegasyong early campaigning lalo at election season na, kaya payo niya, kung nais mapigilan ang ganitong isyu, mainam na maghain ng reklamo sa Comelec upang ito ay maaksiyonan.

“Kung walang gagawin at walang reklamo sa Comelec o sa DILG, masasabi nating wala rin silbi ang ganitong mga pagpuna ni Mayor Isko at ng mga kritiko,” paliwanag ni Casiple.

Matatandaan na nagpasaring si Mayor Isko sa mga politiko na nag-iikot sa mga lalawigan na kailangang kailangan ang kanilang presensiya sa kanilang mga siyudad para tututukan ang CoVid-19 response lalo at hindi pa naman panahon ng eleksiyon.

Si Mayor Sara ay nakatanggap ng mga pagbatikos dahil sa timing ng kanyang pagbisita kamakailan sa Cebu at Zambaoaga City gayondin ang pakikipagpulong kay dating Pangulong Gloria Macapagal Arroyo sa kabila na nangunguna pa rin ang Davao City sa mga lalawigan sa labas ng National Capital Region (NCR) na may mataas na CoVid-19 cases.

Nagbigay ng payo si Casiple sa mga nag-iikot na politiko na tiyakin nilang sumusunod sila sa itinatakdang health protocols para sa kaligtasan ng mga botante.

Ang payo ay ginawa ni Casiple kasunod ng lumabas na report na nahirapan lumabas si Mayor Sara matapos ang kanyang pakikipagpulong kay Mayor Beng Climaco sa Zamboaga City dahil sa rami ng taong naghihintay na nagnanais magparetrato kasama siya.

“May guidelines ang IATF sa pag-conduct ng campaign, madaling sabihin na sinusunod ito kaya ang concern ng lahat, dapat ang mga politiko ang dumistansiya, malaki ang roles ng mga politiko para hindi kumalat ang CoVid-19 sa panahon ng eleksiyon,” pahayag ni Casiple.

Iminungkahi ni Casiple na ang mga politiko ang bantayan sa pagsunod ng health protocols at kasuhan ang mga hindi susunod.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *