Thursday , March 28 2024

John Lloyd nakipagkita sa mga boss ng ABS-CBN

HATAWAN
ni Ed de Leon

MAGANDA iyong ginawa ni John Lloyd Cruz na matapos ang kanyang desisyon na tumalon sa GMA7 ay nakipagkita naman sa mga boss ng ABS-CBN, para magkausap naman sila. Matapos kasi ang kanyang indefinite leave nang halos apat na taon, ang inaasahan ng ABS-CBN ay babalik pa siya roon.

Wala naman iyong problemang legal. Kung hindi sana natapos ang franchise ng ABS-CBN at nasara sila, maaaring sabihing umiiral pa rin ang kontrata sa kanila ni John Lloyd dahil nang mag-leave siya, automatic suspended ang time clause ng kanyang kontrata, kaya sa pagbabalik niya may kontrata pa rin. Eh nasara ang network, natural pakakawalan na nila ang mga star na nakakontrata sa kanila dahil wala na silang kakayahang panagutan pa ang responsibilidad nila sa ilalim ng kontrata. Ibang usapan iyong mga star na muling pumirma sa kanila ng kontrata kahit na wala silang franchise. Pero punahin ninyo, ang bagong kontrata ay sa Star Magic, ibig sabihin management lang. Walang kontrata sa ABS-CBN mismo dahil off the air pa nga sila at wala silang matitiyak na proyekto para sa stars nila.

Kasama ni John Lloyd sa pagdalaw sa ABS-CBN ang kanyang manager na si Maja Salvador na tumalon din agad sa TV5 nang alukin ng isang Sunday noontime show, na natigbak naman agad. Si Piolo Pascual na kasabay niyang tumalon sa TV5 ay mukhang welcome pa rin sa ABS CBN, pero si Maja ay hindi ganoon. Kaya mabuti na rin iyong nakipag usap na si Maja sa kanila, at magandang paraan nga ang pakikipag-ayos din ni John Lloyd. Medyo nasaktan lang naman ang ABS-CBN doon sa pagtalon nina John Lloyd at Bea Alonzo dahil parehong malaking artista na kailangan nila para makabangon. Iyon bang ibang tumalon pinansin ba nila?

Aminin natin, marami rin namang naging contract stars ang ABS-CBN na hindi rin talaga umangat. Iyong iba naman, sumikat nga pero lumipas naman agad ang panahon at hindi na rin masyadong pakikinabangan. Sa mga star na iyan, naging advantage pa para sa network na nawalan ng bisa ang kanilang kontrata, dahil kung hindi, hindi man sila mabigyan ng shows kailangang bayaran pa rin ng ABS-CBN ang obligasyon nila sa ilalim ng mga kontratang iyon.

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *